Arbër Gorani (Drejtor i Hulumtimeve i IKS-it) mori pjesë në ngjarjen për ngritjen e kapaciteteve “Përdorimi i informatave dhe të dhënave për një komunikim dhe avokim më të mirë.’ Kjo ngjarje u organizua nga Programi i Infromatave dhe Foundi për Think Tank nga 17 – 18 mars 2011, në Budapest (Hungari). Ky ishte një organizim shumë interesant për ndritje të kapaciteteve i ndërlidhur me: mbledhjen e të dhënave nga burimet qeveritare dhe përdorimin e tyre për veprim duke i vizuelizuar.
IKS në Bruksel për të Diskutuar Demokracinë në Ballkanin Perëndimor – 28 Shkurt – 3 Mars, 2011
Engjellushe Morina u ftua për të marrë pjesë në punëtorinë “Ndërtimi i Demokracisë në Ballkanin Perëndimor: qasje lartë-poshtë dhe poshtë-lartë”. Punëtoria e organizuar nga Qendra Evropiane për Politika dhe Instituti për Shoqëri të Hapur në Bruksel bënë bashkë ekspertë nga vendet e Ballkanit Perëndimor, përfaqësues nga Institucionet e BE-së dhe Anëtarët e Parlamentit Evropian. Kjo ngjarje ishte një session i mbyllur ku dy panelë të njëpasnjëshëm u mbajtën. Paneli i parë diskutoi rolin e demokracisë parlamentare dhe paneli i dytë u morr me shoqërinë civile: statusin dhe performancën e saj si dhe rolin që shoqëria civile luan në konsolidimin demokratik dhe integrimin në BE të Ballkanit Perëndimor. Engjëllushja ishte pjesë e panelit të dytë së bashku me përfaqësues të shoqërisë civile nga Bosnja dhe Kroacia si dhe anëtarin e Parlamentit Evropian Eduard Kukan dhe Andris Kesteris nga Komisioni Evropian.
Ndryshueshmëria e Trendeve Gratë Dhe Burrat – Shekullarizimi Dhe Religjioni
Florina Duli, drejtoreshë ekzekutive e IKS, gjatë moderimit të debatit “Ndryshueshmëria e trendëve gratë dhe burrat – shekullarizimi dhe religjioni” në Ambasadën Suedeze në Prishtinë.
Panelistë të tjerë në këtë debat të cilët diskutuan për rolin e fesë në identitetin e Kosovarëve ishin:
Vesë Kelmendi- Hulumtuese në KCSS
Besa Ismaili- Fakulteti i Studimeve Islame
Yll Rugova- Dizajner grafik në Trembelat
Arben Qirezi- Hulumtues për çështje sociale
IKS në Wilton Park për të Diskutuar Ekonomitë Politike të Shtet-Ndërtimit Pas Konfliktit – 17-19 Shkurt 2011
Engjëllushë Morina ishte e ftuar si një nga folësit të Konferencës Wilton Park “Pushteti Pas Paqes: ekonomia politike e shtet-ndërtimit pas konfliktit. Çfarë implikime kanë politikat?”. Qëllimi i konferencës ishte të vlerësonte ndikimin e përpjekjeve ndërkombëtare për shtet-ndërtim në ekonomitë politike të shteteve të shkatërruara nga lufta, përfshirë këtu edhe lidhjen në mes strukturave joformale dhe formale ekonomike dhe politike në këto vende. Për të shqyrtuar këtë qëllim, konferenca u fokusua në katër tema të ndërlidhura dhe implikimet e tyre për politika: si dallojnë qasjet e ndryshme të shtetndërtimit të akterëve të ndryshëm ndërkombëtarë dhe se si këto qasje të ndryshme ndikojnë institucionet politike dhe ekonomike dhe dinamikën e vendeve të post-konfliktit; pse dhe në çfarë kushte kanë nxitur ose ri-nisur politikat shtetndërtuese dhunë; si është mënyra më e mirë për t’iu qasur strukturave jo-formale për të parandaluar destabilizimin e ambientit post-konfliktuoz por pa rrënjosur struktura të padrejta politike dhe deri në çfarë pikë janë elitat e luftës ose para-luftës të recikluara ose të fuqizuaa dhe si e ndikon kjo qëndrueshmërinë e përpjekjeve për ndërtimin e institucioneve. Engjëllushe ndau perspektivën Kosovare në panelin “Qasje garuese për shtetndërtim: implikimet për institucionet dhe dinamikat politike lokale”.
IKS në Beograd për të Diskutuar Dialogun Prishtina-Beograd – 14-16 Janar 2011
Engjëllushe Morina u ftua nga Heartfact Fund për të marrë pjesë në Vizitën e Shoqërisë Civile në Beograd. Vizita është pjesë e projektit “Rilidhja” e sponsorizuar nga Ambasadat Britanike në Beograd dhe Prishtinë. Qëllimi i vizitës ishte të inkurajohen bashkëpunimet e qëndrueshme rajonale përmes aktiviteteve të ndryshme dhe të ripërtrihen lidhjet në mes akterëve të ndryshëm në Kosovë dhe Serbi. Vizita përfshiu edhe takime të ndryshme me përfaqësues nga Zyra për Mbrojtjen e të Dhënave, Agjencia për Integrim Evropian, Fondi Beogradas për Ekselencë Politike, Komiteti i Avokatëve për të Drejtat e Njeriut, Qendra e Ligjit Humanitar dhe të OJQ-së GSA (Alenaca Gay-Straight).
IKS në Mal të Zi – në Punëtorinë e Organizuar Nga “Hartefact Found”
Arbër Gorani, Drejtori i Hulumtimeve mori pjesë në punëtorinë e organizuar nga ‘Hartefact Found’ dhe përkrahur nga Ambasadat Britanike në Beograd dhe Prishtinë, të titulluar “Mundësitë e reja për përmirësimin e marëdhënieve Kosovë – Serbi” nga 21 deri më 23 janar 2011, në Przhno (Mali i Zi). Punëtoria mblodhi pjestarë të shoqërisë civile dhe mediave me qëllim të diskutimit të mundësive duke pasur parasysh dialogun e ardhshëm mes Kosovës dhe Serbisë. Gjatë punëtorisë Arbëri mbajti një prezantim bazuar në analizat e politikave të IKS-it ‘Mitrovica: Dy Realitete, Një Qytet.
Procesi i Njohjeve Vlerësohet të Ketë Pasur Ngecje Në Vitin 2010
Intervistë e Drejtoreshës Ekzekutive të IKS-it, Engjellushe Morina në lidhje me përmirësimin e imazhit të Kosovës, dhënë gazetarit Xhevat Sopi në “Radio Kosova”. Për më tepër klikoni këtu.
RTK Live
IKS Organizoi Debatin mbi Analizën e Politikave: “Ekonomia Politike e Gjakovës: Ndikimi në Stabilitetin Social dhe Politik”
Iniciativa Kosovare për Stabilitet (IKS), organizoi debatin mbi analizën e politikave (dokumentin punues): “Ekonomia Politike e Gjakovës: Ndikimi në Stabilitetin Social dhe Politik”, më 29 Nëntor 2010.
Një dekadë pas luftës, qytetarët e Kosovës ende duhet t’i kthehen jetës “normale”. Afërsisht 2,000 njerëz mbesin të zhdukur, papunësia shënon rreth 44 përqind, duke prekur kryesisht gratë dhe të rinjtë në Kosovë. Mundësitë e pakta të punësimit po kontribuojnë në emigrim, sidomos në ekonomitë rurale të goditura rëndë, ku ndërmarrjet e mëdha shoqërore ende nuk janë funksionalizuar. Ndër më të prekurat nga papunësia dhe emigrimi është komuna e Gjakovës, e cila dikur mburrej me numrin më të madh të punësuarve për kokë banori në të gjithë ish-Jugosllavinë – 27,500 ishin të punësuar në industri dhe shërbime deri në fund të vitit 1988. Momentalisht, gratë kryefamiljare luftojnë që të ushqejnë familjet e tyre dhe vetëm disa prej tyre kanë siguruar të drejta pronësore.
Qëllimi i kësaj analize të politikave është të sigurojë pjesëmarrjen demokratike të akterëve të ndryshëm të shoqërisë civile në zhvillimin shoqëror, ekonomik dhe politik të Kosovës drejt një të ardhmëje evropiane.
IKS në Shqipëri
Nga data 13 -17 dhjetor 2010 IKS mori pjesë në Konferencën e mbajtur në Shqipëri me temën “Luginat Bregdetare në Shqipëri dhe Problemet Mjedisore”. Përfaqësues të IKS-it ishin Brikenë Hoxha dhe Milot Rexhepi.
Në këtë konference u shtjelluan shumë çështje mbi mjedisin në Shqipëri por edhe në Kosovë.
Si rezultat i konferencës, nëfillim të vitit 2011, pritet që të publikohet një libër me problemet mjedisore.
IKS në Vienë, Austri, për të Diskutuar “Shmangia e ‘Lojës Turqi’ në Ballkanin Perëndimor” – 7-9 Dhjetor, 2010
Engjëllushe Morina morri pjesë në takimin “Shmangia e ‘Lojës Turqi’ në Ballkanin Perëndimor” me 7,8 dhe 9 dhjetor. E organizuar nga Forumi Bruno Kreisky për Dialog Ndërkombëtar në Vienë dhe Qendra për Strategji Liberale në Sofje, takimi solli bashkë një grup të përzgjedhur të afro 20 specialistëve ballkanas, duke përfshirë Ivan Krastev, Wolfgang Petritsch, James O’Brien, Saso Ordanoski dhe Erion Veliaj. Në takim u diskutuan shumë çështje por u vu theks në scenariot dhe planet kohore realiste për zgjërimin e mëtutjeshëm të BE-së.