Category: lajme&kategori

Mentorimi është një komponentë e mbështetjes jofinanciare, e cila do të organizohet me qëllim të transferimit të njohurive individuale dhe organizative, të fituara nga arsimi përkatës dhe përvoja e punës në fusha specifike nga ekspertët tek përfituesit. Përfituesit e mentorimit do të jenë OShC-të që kanë përfituar grante përmes thirrjes së parë të skemës GRAS. Mentori do të punojë drejtpërsëdrejti me udhëheqësit dhe strukturat drejtuese të organizatave për t’u siguruar atyre mbështetje të lartë në përcaktimin e drejtimit të organizatave të tyre sa i përket lobimit, avokimit dhe angazhimit në dialog politik. Sesionet e mentorimit do të mbahen online (ose në terren) individualisht me përfaqësuesit e organizatave përfituese.

Për më shumë detaje, shkarkoni Termat e Referencës: GRAS Mentor ToR ALB

Për të aplikuar dërgoni një CV, letër motivuese dhe dokumente të tjera përcjellëse në email adresën gras@iksweb.org duke specifikuar pozitën për të cilën aplikoni. Afati për aplikim është i hapur deri më datën 1 shkurt 2019.

Thirrje për propozime për grante të vogla

 “GrassRoots Action Support” – GRAS

Afati i fundit për dorëzimin e aplikacioneve: 12 Nëntor 2018

Iniciativa Kosovare për Stabilitet (IKS), Lens dhe Friedrich Ebert Stiftung (FES) janë duke implementuar projektin “GrassRoots Action Support – GRAS”, financuar nga Bashkimi Evropian dhe i menaxhuar nga Zyra e Bashkimit Evropian në Kosovë.

Qëllimi kryesor i projektit “GrassRoots Action Support-GRAS” është të mbështesë konsolidimin e një kulture tolerante dhe demokratike në Kosovë duke forcuar menaxhimin e brendshëm, llogaridhënien dhe transparencën e shoqërisë civile në nivel lokal. Projekti ka dy objektiva specifike: 1) të përmirësojë të kuptuarit e OSHC-ve për proceset e politikave dhe të institucioneve e akterëve të tjerë relevantë për t’u mundësuar atyre që në mënyrë efektive të angazhohen dhe të bashkëpunojnë me institucionet qeveritare, veçanërisht në nivel lokal; dhe 2) të zhvillojë kapacitetet e OSHC-ve me qëllim që të rritet në mënyrë efikase pjesëmarrja e tyre në procesin e hartimit të politikave.

Thirrja për Propozime në kuadër të këtij projekti synon të mbështesë OSHC-të lokale, në veçanti organizatat me bazë në komunitet, për të kryer aktivitetet e tyre në ndikimin e vendimmarrjes publike përmes kontributeve të tyre profesionale / teknike dhe monitorimin e funksionimit të institucioneve publike.

Fushat kryesore tematike të ndërhyrjes janë:

1. Qeverisja e mirë: pjesëmarrja qytetare dhe llogaridhënia lokale
2. Drejtësia Sociale: të drejtat socio-ekonomike
3. Promovimi i kulturës dhe trashëgimisë kulturore në nivel lokal

Dispozitat financiare:

Kjo thirrje për propozime do të ofrojë një minimum prej 20 grantesh për projektet me bazë në komunitet.

Shuma minimale për mbështetje financiare është 3,000 euro dhe shuma maksimale është 6,000 euro.

Financimi do të mbulojë 100% të buxhetit të përgjithshëm të projektit. Sidoqoftë, përparësi do t’u jepet aplikacioneve me bashkëfinancim të siguruar prej së paku 5% të kostos totale të projektit.

Kohëzgjatja:

Aktivitetet e zbatuara në kuadër të granteve nuk duhet të zgjasin më shumë se 6 muaj nga data e fillimit të projektit dhe duhet të përfundojnë jo më vonë se më 31 maj 2018. Vetëm në raste të jashtëzakonshme projektet me afat më të gjatë se 6 muaj (por jo më shumë se 12 muaj) do të financohen, dhe atë vetëm pasi të kenë ofruar një arsyetim të fortë për një periudhë të tillë implementimi.

Kush mund të aplikojë?

• OShC lokale të regjistruara në Kosovë
• Organizatat jo-fitimprurëse, shoqatat apo fondacionet
• OSHC-të tëcilat janë në gjendje të ofrojnë dokumentet e regjistrimit të organizatës (certifikatën e regjistrimit, certifikatën e numrit fiskal) dhe provën që kanë plotësuar të gjitha detyrimet ndaj shtetit, përfshirë Administratën Tatimore dhe informacione të llogarisë bankare)

Sesionet informative:

• Prishtinë – 22 tetor 2018, ora 10:00 – 13:00, Qendra Informative dhe Kulurore EUICC/EU, Rr. “Nëna Tereza” nr.36
• Gjakovë – 23 tetor 2018, ora 10:00 – 13:00, Qendra Rinore/Zyret e Këshillit të Veprimit Rinor Lokal
• Mitrovicë – 24 tetor 2018, ora 10:00 – 13:00, Zyret e Agjencisë së Zhvillimit Rajonal në Veri (ARDA)
• Ferizaj – 25 tetor 2018, ora 10:00 – 13:00, Orchide Restaurant, Rr. Ahmet Kaqiku, nr. 35
• Pejë –26 tetor 2018, ora 10:00 – 13:00, Qendra Rinore Zoom
• Prizren –29 tetor 2018, ora 10:00 – 13:00, Kino Lumbardhi, Rr. Remzi Ademi, nr. 4
• Gjilan –30 tetor 2018, ora 10:00 – 13:00, Qendra Rinore Gjilan

Procesi i aplikimit:

Dorëzimi i aplikacioneve mund të bëhet në dy forma:

• Shkarkimi i formularëve nga ueb faqja e projektit grasks.com, plotësimi dhe dorëzimi me e-mail në gras@iksweb.org , ose
• Aplikimi përmes e-tool, një formulari të aplikimit online i cili mund të qaset nga vegëza http://grasks.com/apliko-online/ dhe i cili udhëzon aplikuesit gjatë gjithë procesit të plotësimit të aplikacionit në një format të mësimit hap pas hapi.

Të gjitha aplikacionet duhet të përgatiten dhe të dorëzohen në gjuhën shqipe, serbe ose angleze.

Pyetjet në lidhje me këtë thirrje për propozime mund të shkruhen dhe të dorëzohen në gjuhën shqipe, serbe ose angleze, në gras@iksweb.org

GRAS Thirrje per Propozime

Iniciativa Kosovare për Stabilitet, në bashkëpunim me LENS dhe FES Prishtina si partnerë implementues, është duke zbatuar projektin “Aksioni i mbështetjes së organizatave me bazë në komunitet-GRAS”, të financuar nga Bashkimi Evropian.

Projekti ka për qellim mbështetjen dhe fuqizimin e OJQ-ve dhe iniciativave të shoqërisë civile, në veçanti, mbështetjen e organizatave të cilat kanë lidhje të qarta me çështjet dhe komunitetin ku veprojnë, përmes granteve dhe mbështetjes zhvillimore.

Aktivitet shumë i rëndësishëm i këtij projekti është edhe hulumtimi mbi organizatat e shoqërisë civile me bazë në komunitet, të gjeturat dhe rezultatet e të cilit do të jenë bazë për aktivitetet e tjera të projektit. Hulumtimi ka për qëllim të identifikoj dhe vlerësoj nevojat  e OJQ-ve dhe iniciativave të shoqërisë civile.

Nëse jeni individ apo kompani e cila kryen hulumtime, ju lutemi të na kontaktoni dhe të kërkoni dokumentacionin për aplikim, sipas të dhënave në vijim.

Afati i fundit për kërkesë të dokumentacionit është e martë, 20 shkurt 2018.

Dokumentet do t’ju dërgohen më së largu deri më 23 shkurt dhe përzgjedhja do të bëhet më së largu deri më 10 mars 2018.

Iniciativa Kosovare për Stabilitet-IKS

Email: info@iksweb.org

Tel: +381 38 26- 600

Ueb: www.iksweb.org

Adresa: Sylejman Vokshi, Nr i hyrjes 50/5, Prishtinë

Florina Duli, drejtoreshë ekzekutive në Iniciativën Kosovare për Stabilitet-IKS, ka qenë e ftuar në intervistën e ditës në emisionin Express-KTV. Ajo ka folur për pagën minimale, që është bërë temë diskutimi kohëve të fundit, pas këmbënguljes së qeverisë për të mos e ndryshuar atë. Ajo tha se ndërlidhja që bëhet mes pagës minimale dhe skemës së veteranëve është mashtrim që i bëhet popullit nga ana e qeverisë. Përveç pagës minimale, Duli ka folur edhe për të drejtat e punëtorëve, informalitetin në punë e tema të tjera për çështjet sociale në vend .

Intervistën e plotë mund ta ndiqni në linkun e bashkangjitur.

https://www.youtube.com/watch?v=GWcvextQ6B4

Iniciativa Kosovare për Stabilitet-IKS, me kërkesë të KES, në vitin 2016 ka bërë një studim mbi metodat dhe praktikat për përcaktimin e pagës minimale, për të ndihmuar debatin e brendshëm në KES mbi përparësitë apo sfidat eventuale të marrjes së një vendimi për rritje page. Studimi sugjeron që disa nga kriteret që duhet të përfshihen në përcaktimin e pagës minimale, janë: trendi i zhvillimit ekonomik, shkalla e papunësisë, referenca në shportën e konsumatorit dhe paga mesatare. Por paga mesatare aktualisht nxirret nga të dhënat e ATK-së e cila regjistron vetëm pagat nga sektori formal. Duke marrë parasysh që informaliteti në Kosovë është mes 34-37 për qind, ka rrezik që të dhënat nga ATK-ja prodhojnë rezultate të pasakta.

Më qëllim që tema e politikave sociale dhe përfshirja sociale në programet zgjedhore të partive politike për zgjedhjet e parakohshme të marrin vëmendjen e duhur dhe një ballafaqimi sa më përmbajtjesor rreth kësaj teme, Iniciativa Kosovare për Stabilitet (IKS) dhe Fondacioni Friedrich Ebert (FES) po mbështesin emisionin Magazina Zgjedhore në televizionin TV Klan, të moderuar nga gazetari Kushtrim B. Sadiku.

Më poshtë emisioni me të nominuarin për kryeministër nga koalicioni PDK-AAK-NISMA, z. Ramush Haradinaj.

https://www.facebook.com/KKosovaOfficial/videos/1564904540221401/?autoplay_reason=all_page_organic_allowed&video_container_type=4&video_creator_product_type=0&app_id=1684078671830257&live_video_guests=0 

 

Më qëllim që tema e politikave sociale dhe përfshirja sociale në programet zgjedhore të partive politike për zgjedhjet e parakohshme të marrin vëmendjen e duhur dhe një ballafaqimi sa më përmbajtjesor rreth kësaj teme, Iniciativa Kosovare për Stabilitet (IKS) dhe Fondacioni Friedrich Ebert (FES) po mbështesin emisionin Magazina Zgjedhore në televizionin TV Klan, të moderuar nga gazetari Kushtrim B. Sadiku.

Më poshtë emisioni me të nominuarin për kryeministër nga koalicioni LDK-AKR-Alternativa, z. Abdullah Hoti.

https://www.facebook.com/KKosovaOfficial/videos/1562607340451121/?fref=mentions 

Mundësia e rritjes së pagave për shërbyesit civil në sektorin e arsimit dhe të shëndetësisë, ishte tema e radhës në kuadër të ciklit të debatit për dialogun social. Mysafirë të ftuar në debat ishin: Blerim Syla, kryetar i Sindikatës së Shëndetësisë, Rrahman Jashari, kryetar i Sindikatës së Bashkuar të Arsimit, Shkencës dhe Kulturës si dhe Ibrahim Rexhepi, njohës i fushës së ekonomisë.

Kryetari i Sindikatës së Shëndetësisë, Blerim Syla, shprehu dyshimin e tij rreth seriozitetit të lajmit për rritjen e pagave në sektorët e cekur.

“Ky nuk është vendim por vetëm një paralajmërim për rritje pagash, të cilin më shumë e mendoj si një premtim paraelektoral”, u shpreh Syla.

Syla tha se Ligji për Pagat është shumë më i rëndësishëm se propozimi i kryeminsitrit Mustafa për rritje të pagave.

“Paga minimale reflekton në të gjitha standardet tjera, të ne më i rëndësishëm është Ligji i Pagave sesa rritja e pagave. Është koha të mos mashtrohemi më me këto lloje të rritjes së  pagave”, shtoi Syla.

Ai paralajmëroi se  Federata Sindikale e Shëndetësisë së Kosovës – FSSHK, më datë 17 maj, do të mbajë protesta para objektit të Qeverisë së Kosovës me kërkesën për shfuqizimin e plotë të ligjit për paga, ligj ky i cili sipas federatës është diskriminues për punëtorët shëndetësorë.

Në anën tjetër, kryetari i Sindikatës së Bashkuar të Arsimit, Shkencës dhe Kulturës, Rrahman Jashari, ka thënë se në rast se nuk realizohet paralajmërimi për rritje të pagave nga kryeministri Mustafa, do të ketë pasoja.

Njohësi i fushës së ekonomisë, Ibrahim Rexhepi, parashikoi se edhe nëse realizohet premtimi për rritje të pagave, rritja nuk do të jetë e madhe.

“Përderisa nuk funksionon Ligji atëherë do të ketë nëpërkëmbje të punëtorit me fajin e drejtpërdrejt të Qeverisë”, u shpreh Rexhepi. Ai, gjithashtu vuri në pah ngecjet që, sipas tij, ka pasur sektori privat.

“Presioni është shumë i madh pasi sektori privat ka ngecur në rritjen e pagave. Në këtë sektor, ka probleme të dukshme me paga, do të ketë ikje të punëtorëve”, u shpreh Rexhepi.

Cikli i debateve për dialogun social realizohet në bashkëpunim me Iniciativën Kosovare për Stabilitet (IKS) dhe Fondacionin Friedrich Ebert (FES).

Debatin e plotë mund ta ndiqni në linkun më poshtë:

https://www.youtube.com/watch?v=4d5iGyyhd7M

Rritja e pagave për 15 për qind si dhe kushtet më të mira në punë janë dy prej kërkesave të punonjësve shëndetësorë. Kështu u shpreh të premten në emisionin Info Magazine të TV Klan Kosova, Sabri Cakaj, nga Sindikata e Shëndetësisë. Sipas tij,  pavarësisht që këto kërkesa janë tejet të thjeshta, ato nuk po plotësohen nga ministria.

“Gjendja në shëndetësinë kosovare është katastrofale. Pas konsultimeve kemi vendosur që pakënaqësitë tona t’i kanalizojmë përmes protestave. Kërkesat tona fillimisht kanë qenë më të zgjeruara, por në takim me zyrtarë të Ministrisë së Shëndetësisë, në parim jemi marrë vesh që Ligji për Sigurime Shëndetësore, për paga dhe premiume të mos jenë imediate” u shpreh Cakaj.

Cakaj, më tej paralajmëroi se nëse nuk realizohen kërkesat e punëtorëve shëndetësorë greva do të vazhdoj edhe ditëve në vijim.

Konstatimet e tij nuk gjeten përkrahje nga zëvendësministri i Shëndetësisë, Izet Sadiku. Ai tha se realizimi i kërkesave të mjekëve arrihet përmes bashkëpunimit e jo kërcënimit me grevë.

“Sindikata ka tash vetëm një kërkesë: rritjen e pagave. Ne duam që të rriten fondet për shëndetësinë. Që të përmirësohen shërbimet, por edhe të rriten pagesat për punëtorë, sipas performancës në punë. Po ashtu synojmë licencimin e punëtorëve shëndetësorë, të cilët akoma punojnë me ‘licenca politike. Ne presim që edhe  ky proces duhet të kryhet deri në qershor”

Kështu që nuk ka arsye për grevë, deklaroi  z. Sadiku, në emisionin Info Magazine në Klan Kosova.

Dialogu social realizohet në bashkëpunim me Iniciativën Kosovare për Stabilitet (IKS) dhe Fondacionin Friedrich Ebert (FES).

Debatin e plotë mund ta ndiqni në linkun më poshtë:

https://www.youtube.com/watch?v=l4kjVOIeqAM