Dëshironi të mësoni si punohet Okarina nga balta?

Okarina e zbuluar nga arkeologët në fillim të vitit 1970 në fshatin Runik, ngjason me kokën e një perëndeshe qiellore dhe shërbente si instrument frymor, si një lloj fyelli neolitik. Në bazë analizave dhe të studimeve arkeologjike, okarina e zbuluar në Runik të Skenderajt, është instrument frymorë autokton, i lashtë rreth 5000 vjet para Krishtit që u pagëzua me emrin “Okarina e Runikut” sipas instrumentit të ngjashëm italian të shekullit 19. Okarina e Runikut është instrumenti me i hershëm muzikor i zbuluar në Kosovë, punohet nga argjila dhe pjekët në furrë druri.

Mjeshtri ynë i okarinës Z. Shaqir Hoti, i njohur si Baca Shaqë, i lindur më 14 qershor 1936 në Rogovë të Hasit ia dedikoi tërë jetën punimit dhe studimit të instrumenteve burimore, e në veçanti Okarinës. Ai krijoi ansamble të njohura popullore e folklorike dhe ishte pjesë e orkestrës së Radio Prishtinës për shumë vite.

Dëshironi të bëheni pjesë e kursit të punimit të Okarinës?

Dëshironi të bëheni pjesë aktive e ruajtjes dhe kultivimit të trashëgimisë jo-materiale/shpirtërore?

Nxitoni dhe aplikoni shpejtë ngase vendet janë të kufizuara!

Përmes projektit “Promovimi dhe ndërgjegjësimi mbi Trashëgiminë Kulturore Jo-materiale në Kosovë” IKS bashkë me mjeshtrin Shaqir Hoti do të ofrojë trajnim për të rinjë të talentuar dhe të interesuar për të mësuar zanatin e bërjes së okarinës nga argjila.

Aplikoni në e-mail adresën: brikene_hoxha@iksweb.org deri më 08 shkurt 2019

Projekti i IKS -it “Promovimi dhe ndërgjegjësimi mbi Trashëgiminë Kulturore Jo-materiale në Kosovë“ është pjesë e grantit financiar nga “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore” projekt implementuar nga UNDP-ja dhe financuar nga Instrumenti i Bashkimit Evropian që kontribuon për Stabilitet dhe Paqe (IcSP)

PrevThirrje e Hapur për Trajner

Trajnim mbi instrumentin e OkarinësNext

Na kontaktoni

Emri dhe Mbiemri

Telefoni

Email

Mesazhi