Projekti: Një e Ardhme për të Kaluarën e Prishtinës

Historia e pasur e Prishtinës, që shtrihet mbi disa mijëra vjetë, është këtu për tu zbuluar. Si kyeqytet i Kosovës së re, Prishtina meriton që e kaluara e saj shumë shtresore dhe ngacmuese të bëhet e dukshme përsëri. Ekzistojnë shumë tregime për tu thënë dhe shumë sekrete për tu zbuluar që do të ndihmonin në dhënien e identitetit të përshtatshëm për një kryeqytet modern Evropian, Prishtinës dhe qytetarëve të saj.
Ekziston një konsensus i përgjithshëm se trashëgimia kulturore e Prishtinës është neglizhuar dhe është e panjohur për publikun e gjerë. Luftërat, dekadat e shkatërrimit të planifikuar gjatë komunizmit, zhvendosja e pjesëve të mëdha të popullatës si dhe dështimi në kontrollimin e shkatërrimit ilegal dhe demolimeve te paramenduara që nga 1999, e kanë lënë qytetin vetëm me disa shembuj të ‘trashëgimisë kulturore të mbrojtur.’

IKS-i dhe ESI janë duke bërë hulumtime mbi çështjen socio-ekonomike të Prishtinës, duke punuar në bashkëpunim me Austrian Erste Bank Privatstiftung si pjesë më e gjerë e projektit Ekonomia e re gjeografike e Ballkanit. Gjatë kësaj pune, analistët e IKS-it dhe ESI-t kanë takuar përpilues të politikave publike, biznesmenë, studentë dhe zyrtarë komunal, me qëllim të zbulimit të trendeve zhvillimore dhe të studimit të hollësishëm të çështjeve të trashëgimisë kulturore, zhvillimit ekonomik dhe planifikimit urban të Prishtinës.

PrevNjë e Ardhme për të Kaluarën e Prishtinës

Vizionet UtopikeNext

Na kontaktoni

Emri dhe Mbiemri

Telefoni

Email

Mesazhi