Ndryshimi i Status Quo-së në Pjesën Veriore të Kosovës pas Marrëveshjes së Parë të Brukselit
Pjesa veriore e Kosovës ka qenë një nga çështjet politike kryesore para dhe pas shpalljes së pavarësisë. Autoriteti I Kosovës në pjesën veriore ka qenë shumë I kufizuar për 13 vitet e fundit. Në fakt, sa më shumë Kosova ka punuar në drejtim të ndërtimit të institucioneve pas luftës se vitit 1999 dhe forcimit të shtetit të saj pas Deklaratës së Pavarësisë në 2008, aq më shumë është shkëputur pjesa veriore. Rrjedhimisht, deri në arritjen e Marrëveshjes së Parë të Brukselit, pjesa veriore e Kosovës ishte vetëm formalisht pjesë e Kosovës, në përputhje me Rezolutë 1244 të këshillit të Sigurimit të Kombeve të Bashkuara (KS-OKB) pati më pak qasje dhe kontroll se Beogradi. Status quo-ja 13 vjeçare në pjesën veriore të Kosovës ka qenë rezultat I disa ngjarjeve, që karakterizojnë shkëputjen e saj të vazhdueshme nga autoriteti I Prishtinës dhe varësinë e saj të pandërprerë nga Beogradi.