Autor: admin

Thirrje për propozime për grante të vogla

 “GrassRoots Action Support” – GRAS

Afati i fundit për dorëzimin e aplikacioneve: 16 maj 2019, ora 17:00h

Iniciativa Kosovare për Stabilitet (IKS), Lens dhe Friedrich Ebert Stiftung (FES) janë duke implementuar projektin “GrassRoots Action Support – GRAS”, financuar nga Bashkimi Evropian dhe i menaxhuar nga Zyra e Bashkimit Evropian në Kosovë.

Qëllimi kryesor i projektit “GrassRoots Action Support-GRAS” është të mbështesë konsolidimin e një kulture tolerante dhe demokratike në Kosovë duke forcuar menaxhimin e brendshëm, llogaridhënien dhe transparencën e shoqërisë civile në nivel lokal. Projekti ka dy objektiva specifike: 1) të përmirësojë të kuptuarit e OSHC-ve për proceset e politikave dhe të institucioneve e akterëve të tjerë relevantë për t’u mundësuar atyre që në mënyrë efektive të angazhohen dhe të bashkëpunojnë me institucionet qeveritare, veçanërisht në nivel lokal; dhe 2) të zhvillojë kapacitetet e OSHC-ve me qëllim që të rritet në mënyrë efikase pjesëmarrja e tyre në procesin e hartimit të politikave.

Thirrja për Propozime në kuadër të këtij projekti synon të mbështesë OSHC-të lokale, në veçanti organizatat me bazë në komunitet, për të kryer aktivitetet e tyre në ndikimin e vendimmarrjes publike përmes kontributeve të tyre profesionale / teknike dhe monitorimin e funksionimit të institucioneve publike.

Fushat kryesore tematike të ndërhyrjes janë:

1. Qeverisja e mirë: pjesëmarrja qytetare dhe llogaridhënia lokale
2. Drejtësia Sociale: të drejtat socio-ekonomike
3. Kultura dhe trashëgimia kulturore në nivel lokal

Dispozitat financiare:

Kjo thirrje për propozime do të ofrojë një minimum prej 10 grantesh për projektet me bazë në komunitet.

Shuma minimale për mbështetje financiare është EUR 6,000 dhe shuma maksimale është EUR 12,000

Financimi do të mbulojë 100% të buxhetit të përgjithshëm të projektit. Sidoqoftë, përparësi do t’u jepet aplikacioneve me bashkëfinancim të siguruar prej së paku 5% të kostos totale të projektit.

Kohëzgjatja

Aktivitetet e zbatuara në kuadër të granteve të vogla  duhet të zgjasin minimum 6 muaj dhe maksimum 12 muaj. Asnjë zgjatje nuk mund të planifikohet ose të jepet me këtë thirrje. Aplikanti duhet të specifikojë datat dhe kohëzgjatjen e saktë të aktivitetit në formularin e aplikimit. 

Kush mund të aplikojë?

• OShC lokale të regjistruara në Kosovë
• Organizatat jo-fitimprurëse, shoqatat apo fondacionet
• OSHC-të tëcilat janë në gjendje të ofrojnë dokumentet e regjistrimit të organizatës (certifikatën e regjistrimit, certifikatën e numrit fiskal) dhe provën që kanë plotësuar të gjitha detyrimet ndaj shtetit, përfshirë Administratën Tatimore dhe informacione të llogarisë bankare)

Sesionet informative:

• Gjakovë – 23 prill, 10:00 – 13:00, Qendra Rinore / Zyret e Këshillit të Veprimit Rinor Lokal
• Pejë – 24 prill, 10;00 – 13:00, Qendra Rinore Zoom
• Gjilan – 25 prill, 10:00 – 13:00, Qendra Rinore Gjilan
• Mitrovicë – 26 prill, 10:00 – 13:00, Zyret e Agjencisë së Zhvillimit Rajonal në Veri
• Ferizaj – 02 maj, 12:00 – 15:00, Salla e Kuvendit Komunal, Rr. Dëshmorët e Kombit p.n
• Prizren – 03 maj, 10:00 – 13:00, Kino Lumbardhi, Rr. Remzi Ademi nr 4
• Prishtinë – 08 maj, 10:00 – 13:00, Qendra e Resurseve, Forumi për Iniciativë Qytetare, (FIQ), Pejton, Rruga Pashko Vasa nr.1  

Procesi i aplikimit:

Dorëzimi i aplikacioneve mund të bëhet në dy forma:

• Shkarkimi i formularëve nga ueb faqja e projektit www.grasks.com, plotësimi dhe dorëzimi me e-mail në gras@iksweb.org , ose
• Aplikimi përmes e-tool, një formulari të aplikimit online i cili mund të qaset nga vegëza http://grasks.com/apliko-online/ dhe i cili udhëzon aplikuesit gjatë gjithë procesit të plotësimit të aplikacionit në një format të mësimit hap pas hapi.

Të gjitha aplikacionet duhet të përgatiten dhe të dorëzohen në gjuhën shqipe, serbe ose angleze.

Pyetjet në lidhje me këtë thirrje për propozime mund të shkruhen dhe të dorëzohen në gjuhën shqipe, serbe ose angleze, në gras@iksweb.org

 

 

 

[ngg_images source=”galleries” display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]Dje, me datë 13 shkurt 2019, mjeshtri Shaqir Hoti ofroi trajnim një ditor për nxënësit e shkollës së muzikës “Lorenc Antoni” në Prizren, mbi instrumentin e Okarinës.

Gjatë kësaj punëtorie, që mblodhi më shumë se 40 muzikantë të rinj, mjeshtri Shaqir Hoti demonstroi mënyrën e krijimit dhe praktikmit të Okarinës si dhe instrumenteve të tjera muzikore autoktone të prodhuara nga argjila dhe druri. Gjithashtu, përmes shumë pyetjeve interesante, nxënësit shfaqën interes të madh për historinë dhe vlerat e instrumenteve muzikore autoktone, e sidomos për Okarinën.

Ky aktivitet u zhvillua në kuadër të projektit “Promovimi dhe ndërgjegjësimi mbi Trashëgiminë Kulturore Jo-materiale në Kosovë“ që është pjesë e garantit të financiar nga “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore” projekt i implementuar nga UNDP-ja dhe financuar nga Instrumenti i Bashkimit Evropian që kontribuon për Stabilitet dhe Paqe (IcSP).

Trajnimi është një komponentë e mbështetjes jofinanciare, e cila do të ofrohet për organizatat përfituese të granteve të “GrassRoots Action Support”. Sesionet e trajnimit do të organizohen me qëllim që këtyre organizatave t’u ofrohen udhëzime dhe ndihmë në zbatimin e aktiviteteve të tyre të financuara nga GRAS.

Trajnimi do të përqendrohet në zbatimin praktik të aftësive në fushat e renditura më poshtë gjatë zbatimit të aktiviteteve të financuara nga GRAS:

• Menaxhimi i projektit dhe shkrimi i propozimeve të projekteve;
• Menaxhimi dhe raportimi financiar;
• Promovimi i aktiviteteve dhe komunikimi me komunitetin.

Trajnimi do të realizohet në grupe në pesë rajone të Kosovës. Nga një sesion trajnimi do të organizohet për çdo rajon.

Për më shumë detaje, shkarkoni Termat e Referencës: Call for Coaching ToR ALB

Për të aplikuar dërgoni një CV, letër motivuese dhe dokumente të tjera përcjellëse në email adresën gras@iksweb.org duke specifikuar pozitën për të cilën aplikoni. Afati për aplikim është i hapur deri më datën 1 shkurt 2019.

Mentorimi është një komponentë e mbështetjes jofinanciare, e cila do të organizohet me qëllim të transferimit të njohurive individuale dhe organizative, të fituara nga arsimi përkatës dhe përvoja e punës në fusha specifike nga ekspertët tek përfituesit. Përfituesit e mentorimit do të jenë OShC-të që kanë përfituar grante përmes thirrjes së parë të skemës GRAS. Mentori do të punojë drejtpërsëdrejti me udhëheqësit dhe strukturat drejtuese të organizatave për t’u siguruar atyre mbështetje të lartë në përcaktimin e drejtimit të organizatave të tyre sa i përket lobimit, avokimit dhe angazhimit në dialog politik. Sesionet e mentorimit do të mbahen online (ose në terren) individualisht me përfaqësuesit e organizatave përfituese.

Për më shumë detaje, shkarkoni Termat e Referencës: GRAS Mentor ToR ALB

Për të aplikuar dërgoni një CV, letër motivuese dhe dokumente të tjera përcjellëse në email adresën gras@iksweb.org duke specifikuar pozitën për të cilën aplikoni. Afati për aplikim është i hapur deri më datën 1 shkurt 2019.