Kategori: lajme&kategori

Postuar më

Sindikatat Skeptike për Implementimin e Ligjit të Sigurimeve Shëndetësore

Me 26 Janar, 2017, në emisionin Info Magazine ne Klan Kosova është mbajtur debati për Sigurimet Shëndetësore në Kosovë. Pjesëmarrësit në emision u shprehën skeptikë për implementimin e Ligjit të Sigurimeve Shëndetësore.

Blerim Syla, Kryetari i Federatës së Sindikatës së Shëndetësisë dhe Shaban Tasholli, Nënkryetar i sindikatës së Policisë së Kosovës u shprehën të zhgënjyer nga institucionet me vonimin e shërbimit të Sigurimeve Shëndetësorë.

Qeveria e Kosovës ka paraparë që mbledhjen e premiumeve për Sigurimet Shëndetësore dhe implementimin e ligjit ta filloj në janar të këtij viti por kjo nuk ndodhi dhe as nuk pritet të ndodhë në gjashtëmujorin e parë të vitit 2017-të, mendojnë të dy panelistët në këtë debat.

Tasholli është shprehur se Policia e Kosovës është i vetmi institucion policor në botë që nuk siguron këtë të drejtë. Madje ai tha se pjesëtarët e Policisë së Kosovës, janë dëshpëruar që nuk kanë këtë të drejtë elementare që lidhet me profesionin e tyre.

Kurse Valbon Krasniqi, Këshilltar Politik i Ministrit të Shëndetësisë deklaroi se sigurimet shëndetësore nuk janë vonuar dhe se është punuar shumë për to.

Ndërsa , Jusuf Azemi, Kryetar i Sindikatës së Pavarur të Sektorit Privat tha se punonjësit e këtij sektori nuk do t’i paguajnë detyrimet pa u rregulluar fillimisht kushtet e punës në këtë sektor.

“Si sindikatë do t’iu bëjmë thirrje qytetarëve të sektorit privat që të mos i paguajnë këto obligime. Ne si sindikatë nuk mund t’iu bëjmë thirrje punonjësve të sektorit privat që kanë kontrata me afat të pacaktuar, që t’i paguajnë detyrimet për sigurimet shëndetësore për shkak se nuk kanë kontrata pune dhe nuk kanë kushtet e nevojshme”, ka deklaruar Azemi.

Ndër të tjerash, Azemi shton se ka pabarazi të mëdha në mes punonjësve të sektorit publik dhe atij privat.

“Punëtorët e sektorit privat nuk i gëzojnë të drejtat dhe përfitimet sikurse ata të sektorit publik. Punëtorët e sektorit privat kanë edhe paga tepër të ulëta dhe s’mund të kërkojnë nga ne të paguajmë detyrimet”.

Dialogu social realizohet në bashkëpunim me Iniciativën Kosovare për Stabilitet (IKS) dhe Fondacioni Friedrich Ebert (FES).

Linkun e këtij debati mund ta gjeni këtu:

https://www.youtube.com/watch?v=OEW21WaVufg

Postuar më

Cikli i Debatëve Në Klan Kosova i Mbështetur nga IKS

Episodi i rradhes ne Info Magazine ne Klan Kosova i lidhur me temat e dialogut social u transmetua ne daten 21 janar 2016. Debati u fokusua ne trajtimin e pensionistëve, ligjin e pensioneve dhe ne qasjen e institucioneve ndaj kësaj kategorie.

Ky debat u mbështet nga Iniciativa Kosovare per Stabilitet – IKS, Fondacioni Friedrich Ebert dhe Ambasada Britanike në Kosovë.

Per ata qe nuk paten mundesi te ndjekin transmetimin, gjeni me poshte linkun:

https://www.youtube.com/watch?v=uVkmGPUwNZ0

Postuar më

Gëzuar Festat

Viti 2016 ka qenë një vit i mbushur me lajme të mira dhe të këqija, befasi të këndshme dhe të pakëndshme, një vit i mbushur me ngjarje të rënda edhe në nivel global.

Urojmë dhe shpresojmë që viti që vjen do sjellë vetëm ndryshime pozitive dhe shpresë për të gjithë ata që po vuajnë nëpër vatra krizash.

Urojmë që viti 2017 të jetë vit i dashurisë, paqes, dhembshurisë dhe të jetë pikë kthese në rivendosjen e besimit midis njerëzish.

Me shpresën që ne të gjithë të kemi mundësi të kontribuojmë në ruajtjen e vlerave të drejtësisë, dhembshurisë, mirëdashjes dhe bujarisë, stafi i Iniciativës Kosovare për Stabilitet ju dëshiron gjithë të mirat në vitin 2017.

Iniciativa Kosovare për Stabilitet

Postuar më

IKS-ja Gëzon Fëmijët e Punëtorëve të Sektorit Privat

Iniciativa Kosovare për Stabilitet – IKS, në kuadër të projektit Përkrahje Partnerëve Social, me rastin e festave të fundvitit organizoi aktivitetin festiv, me qëllim të ndërgjegjësimit të punëdhënësve për të drejtat e punëtoreve. Me këte rast IKS u ofroi dhurata fëmijëve prindërit e të cilëve punojnë në sektorin privat, veçanërisht atyre që kanë humbur nga një prind në vendin e punës apo atyre qe prindërit u punojnë në sektore të parregulluar mirë e me rrezikshmëri të lartë, si ndërtimtaria.

Ky aktivitet u organizua me donacionet e mbledhura gjatë eventit S.O.S.iety, të organizuar me 17 shkurt 2015 në bashkëpunim me Y serious?, si dhe me ndihmën shumë bujare të DJ Adriatique dhe Meridian Express.

Postuar më

Në Epizodin e Rradhës në Info Magazine u Diskutua Për Mënyrën e Funksionimit të Sindikatave në Kosovë

Mbrëmë në emisionin Info Magazine në Klan Kosova, u diskutua për mënyrën e funksionimit të sindikatave në Kosovë, punën e BSPK-së si dhe përfaqësimin e punëtorëve të Kosovës nga kjo sindikatë.

Ky debat u mbështet nga Iniciativa Kosovare për Stabilitet – IKS dhe FES

Për ata që nuk patën mundësi të ndjekin transmetimin, klikoni këtu

Postuar më

Florina Duli Quoted in Radio Free Europe

Drejtoresha e organizatës Iniciativa Kosovare për Stabilitet, Florina Duli tha për Radion Evropa e Lirë se mosfunksionimi i Kuvendit e ka arritur kulminacionin. Ajo mendon se deputetët dhe vet Kuvendi si institucion, nuk janë duke kryer punën për çka janë të thirrur.

Për ta lexuar artikullin kilikoni këtu