Flutura Kusari, hulumtuese në IKS, morri pjesë në seminarin e organizuar nga Soros me temë “Transparenca dhe Llogaridhënia Qeveritare,” të mbajtur më 21-22 Prill, 2009 në Prevallë. Qëllimi kryesor i seminarit ishte ndërtimi i kapaciteteve të shoqërisë civile kosovare nëpërmjet të gjitha fazave të hulumtimit, monitorimit dhe avokimit për të siguruar qëndrueshmërinë e veprimeve dhe pronësinë lokale, përderisa pikat kryesore të cilat u shtjelluan ishin: transparenca buxhetore; transparenca e të hyrave nga resurset natyrale; transparenca e IPA fondeve; transparenca e fondeve të donatorëve.
Mendo dhe Lidhu
Beograd, Mars 18-19, 2009
Engjellushe Morina, Drejtoresha Ekzekutive e IKS-it dhe Linda Gusia, Analiste në IKS morrin pjesë në konferencën e quajtur “Roli i instituteve hulumtuese në procesin politik dhe rëndësia e tyre gjatë Integrimit në BE – Rast Studimi: Ambienti në Ballkan”, e organizuar nga Fondi Evropian për Ballkanin. IKS-i prezantoi të gjeturat kryesore nga projekti “Të mendosh Gjelbër” dhe diskutuan rreth tyre me pjesëmarrësit e tjerë. Përfaqësuesit e IKS-it po ashtu kishin mundësinë të krijonin rrjet me organizatat tjera të interesuara në çështje të ngjashme.
Mënyrat e Reja të Pjesëmarrjes së të Rinjve Bazuar në Teknologji
Flutura Kusari, Hulumtuese në IKS morri pjesë në seminarin “Mënyrat e reja të pjesëmarrjes” më 16-18 Mars, 2009, në Qendrën Rinore Evropiane në Strasburg. Seminari siguroi një mjedis ku ju mundësua të rinjve shkëmbimin e përvojave të tyre për mënyrat e reja të pjesëmarrjes bazuar në teknologjinë informative. Bazuar në seminar, IKS-i planifikon të zhvilloj më tutje marrëdhëniet me publikun dhe shfrytëzimin e teknologjisë informative dhe komunikuese si mënyre e shpejtë dhe ekonomike e shkëmbimit të informacioneve, e gjithashtu gjatë projekteve hulumtuese.
Strategjitë Dalëse dhe Konsolidimi i Paqës Gjatë Shtet-Ndërtimit
Wilton Park, Mars 13-15, 2009
Engjellushe Morina, Drejtoresha Ekzekutive e IKS-it ka marrë pjesë në konferencën “Strategjitë dalëse dhe Konsolidimi i Paqes gjatë shtet-ndërtimit” të mbajtur në Wilton Park, më 13-15 Mars. Konferenca kishte tri objektiva kryesore. Bazuar në studime empirike qëllimi i saj ishte shqyrtimi i rrethanave që kanë ndikuar në arritjen e paqes, në okupimet ushtarake dhe aktivitetet tjera të ndërlidhura me shtet-ndërtimin. Gjithashtu janë hulumtuar marrëveshjet e mëtutjeshme që janë arritur për konsolidimin e paqes. Së dyti, konferenca u fokusua në identifikimin e faktorëve që ndikuan në zgjidhje të suksesshme. Qëllimi final ishte identifikimi i kritereve dhe treguesve të performancave që nevojiten për të vlerësuar suksesin, duke ndihmuar krijimin e strategjisë dalëse
Marrëveshje për Partneritet
Iniciativa Kosovare për Stabilitet ka nënshkruar kontratë për partneritet më zyrën lokale të WUS Austria në Prishtinë. Qëllimi i këtij partneriteti është që IKS të ofrojë dy praktika për pjesëmarrësit e Kosova Case Challenge 2009, Modeli i Këshillit të Evropës, i organizuar nga WUS-i dhe ofrimin e një anëtari të jurisë gjatë mbajtjes së garës.
“DREJT LISBONËS”
“Drejt Lisbonës” është titulli i studimit të hulumtuar dhe përgatitur nga Iniciativa Kosovare për Stabilitet me ndihmën zemërgjerë të UNICEF-it. Publikimi i studimit “Drejtë Lisbonës” është mbajtur sot në Hotel Grand, në Prishtinë. Linda Gusia, analiste nga IKS, prezantoi studimin para një audience të përbërë nga politikanë, zyrtarë qeveritarë, përfaqësues të organizatave ndërkombëtare, organizata të grave dhe media. Në panel ishin të pranishëm edhe: Z. Enver Hoxhaj, Ministër i Arsimit, Shkencës dhe Teknologjisë, Zt. Nenad Rasic, Ministër i Punës dhe Mirëqenies Sociale, Znj. Shqipe Krasniqi, U.D kryeshefe ekzekutive e agjensionit për barazi gjinore, Zyra e Kryeministrit; Z. Robert Fuderich, Udhëheqës i Zyrës së UNICEF-it.
Projekti “Lista e Bardhë”
16 Janar 2008
‘Projekti Lista e Bardhë’ është lancuar nga European Stability Initiative (Iniciativa Evropiane për Stabilitet – ESI) në vitin 2008. Në partneritet me IKS-in dhe organizatat tjera në rajon, ESI synon të promovoj udhëtimin pa viza në Evropë për të gjithë qytetarët e Ballkanit Perëndimor.
Kosova mbetet mbrapa në krahasim me vendet tjera të rajonit. Më 1 Janar 2008 marrëveshja për liberalizimin e vizave hyri në fuqi me Serbinë, Malin e Zi, Maqedoninë, Bosnjën dhe Hercegovinën si dhe me Shqipërinë. Më 5 Janar 2008, Komisioni Evropian filloi dialogun për viza në të gjitha vendet e Ballkanit Perëndimor, përveç Kosovës. Udhërrëfyesit e detaijzuar me kritere specifike, të cilat duhet të përmbushen nga secili vend për udhëtim pa viza janë lëshuar për të gjitha vendet në rajon përveç Kosovës. Ka shumë mundësi, që të gjitha këto vende përveç Kosovës, të mund të udhëtojnë pa viza në Evropë në vitin 2010. Si rezultat, Kosova do të jetë edhe më e izoluar politikisht dhe ekonomikisht.
Për ta parandaluar këtë, IKS-i synon të hap një debat konstruktiv për liberalizimin e vizave në Kosovë. Dokumentin ‘Projekti Lista e Bardhë’ i cili është kontributi ynë i parë për këtë debat, mund ta gjeni tek rubrika: Publikimet.
Seminari “Evropianizimi i Kosovës”
SEMINARI “EVROPIANIZIMI I KOSOVËS”
Vazhdoni leximin e Seminari “Evropianizimi i Kosovës”
Njësia Nën-Komunale – Njësia Potenciale për Zhvillim
Në kohën e tensioneve të larta politike në Kosovë, një vit para se të fillonin negociatat për statusin final të Kosovës, njëra prej çështjeve më të ndërlikuara ishte decentralizimi. Në mënyrë që t’i akomodoj të gjitha grupet etnike në Kosovë, komuniteti ndërkombëtar insistonte që të formoheshin komuna të reja, të cilat do të drejtoheshin nga përfaqësues të grupeve etnike të minoriteteve në Kosovë – kryesisht nga Serbët. Caktimi i kufijve të rinj të komunave u prit me një rezistencë të madhe nga Shqiptarët – të cilët për shkak të dhunës së përjetuar në të kaluarën nga autoritetet Serbe – u ndien të kërcënuar nga mundësia që t’i përkasin një komune të re që drejtohet nga Serbët.
Duke pasur parasysh përbërjen sociale – ekonomike të Prishtinës, IKS-i është fokusuar në një problem më pak të politizuar që ndërlidhet me decentralizimin. Komunat e Kosovës përbëhen prej njësive nën-komunale të cilat kanë shërbyer si formë e decentralizimit për dekada. Mirëpo, në realitet ato nuk janë funksionale: ato kanë fuqi minimale administrative dhe asnjë fuqi politike. Për më shumë, në procesin e tanishëm të decentralizimit, ekzistimi i njësive nën-komunale nuk luan ndonjë rol të rëndësishëm.
Në njërën anë ka qenë problemi i mungesës së informatave për procesin e decentralizimit në Kosovë, që kryesisht është definuar nga mediat më shumë si çështje politike se sa si çështje pragmatike “sjellja e qeverisjes më afër qytetarëve.” Në anën tjetër, njësitë ekzistuese të decentralizuara që është dashur t’i mundësojnë qytetarët të ngrisin zërin për shqetësimet e tyre dhe të dëgjohen në komuna, nuk kanë qenë funksionale, duke ju dhënë qytetarëve shumë pak arsye të shohin procesin e decentralizimit si proces në dobi të tyre.
Në Prill 2005, IKS-i organizoi një debat publik me zyrtarë të Komunës, zyrtarë prej Ministrisë për Qeverisje Lokale, përfaqësues të njësive nën-komunale në Prishtinë, Media dhe OJQ-ë në Prishtinë për të diskutuar problemin e decentralizimit në Prishtinë. Qëllimi i konferencës ishte i dyfishtë: 1) të depolitizojë çështjen e decentralizimit duke shpjeguar dobitë praktike që qytetarët mund t’i marrin duke i pasur strukturat e qeverisjes më afër tyre, dhe 2) të diskutoj rikontsruktimin e njësive nën-komunale në Prishtinë në mënyre që t’i bëjë ato funksionale dhe t’i shërbejë si një tranzicion i mirë drejt procesit final të decentralizimit, i cili do të ndodhë pas ndryshimit të statusit të Kosovës.
Diskutimi u bë mjaft i nxehur dhe zgjati më tepër se dy orë. Përfaqësuesit e njësive nën-komunale kërkonin tu jepen më shumë fuqi në mënyrë që të kujdesen për nevojat e qytetarëve nën juridiksionin e tyre, kurse zyrtarët e Komunës ankoheshin për mungesën e fondeve të cilat do t’i bënin këto njësi më funksionale.