Kategori: Publikimet

Që nga 13 marsi 2020, kur ndodhi mbyllja dhe u konfirmuan rastet e para me Covid-19 në Kosovë, shqetësimi kryesor mbarë shoqëror ishte se sa do të ishte në gjendje një shtet në zhvillim e sipër të menaxhojë një krizë të mundshme dhe atë, në një kohë të paprecedent. Një gjë që dihej me plot siguri ishte se virusi nuk diskriminon, duke lënë për të kuptuar që ai nuk zgjedhw viktimat dhe pasojat e tij mund të jenë të paimagjinueshme. Këtë më së miri e shfaqin statistikat tejet të frikshme të këtij virusi, ku në tërë botën numëron rreth 93.2 milion♪ raste pozitive, me mbi 2 milionw të vdekur, duke përfshirë këtu edhe Kosovën e cila deri më tani numëron rreth 60,000 raste pozitive, me gjithsej 1.447 të vdekur, statistika të errëta që po rriten dita ditës. Sidoqoftë, ajo që është edhe më dramatike është se kriza Covid-19 nuk është vetëm një krizë shëndetësore, por edhe një krizë e përhapur socio-ekonomike që prek më shumë anëtarët e cenueshëm të shoqërisë.

Për të lexuar raportin klikoni në:

📄 Programet dhe Paketat Stimuluese pas Krizave Ekonomike & të Drejtat e Punëtorëve në Kosovë 

Ky raport është rezultati përfundimtar nga aktiviteti që synon matjen e zbatimit të legjislacionit të punës dhe punësimit në sektorin privat në Kosovë. Raporti bën një përmbledhje të legjislacionit të punës dhe ligjeve të ndërlidhura me shëndetin dhe sigurinë në punë, si dhe kornizën institucionale për zbatimin e tyre. Më tej bën një përmbledhje të ndryshimeve të pritshme / të iniciuara në legjislacionin e lidhur me punën përpara se të diskutojë për gjetjet nga hulumtimi në terren me kompani të sektorit privat, para se të paraqesë gjetjet nga sondazhi me bizneset.

Për të lexuar raportin, klikoni këtu:

Këtu mund ta gjeni verzionin e fundit të broshurës së Iniciativa Kosovare për Stabilitet:

📄 2018 IKS Fakte

Fundi i muajit prill në mbarë botën shënohet përmes fushatave të ndërgjegjësimit që kanë për qëllim  të promovojnë tendencat e reja në fushën e sigurisë dhe shëndetit në punë, si dhe  vetdijësimin mbi problematikën e  lëndimeve, sëmundjeve dhe vdekjeve në vendin e punës. 28 prilli, dita ndërkombëtare e kujtimit të të vdekurve në vend të punës, Kosovën e gjen me dy kryetituj për jetët e humbura në vend të punës, dhe atë në seksionin e kronikës së zezë të gazetave vendore.

Në të përditshmet kosovare këto lajme mbesin lajme dite. Kronika të cilat japin informacion kronologjik dhe jo analitik.  Tituj si: ‘’Edhe një punëtor humbet jetën derisa punonte në ndërtimin e një objekti’’ janë të rëndomtë. Por nuk kemi lajme që na japin hollësitë që përbëjnë ngjarjen. Paqartësitë si shembull se për kë punonte, kishte apo nuk kishte kontratë, kishte apo nuk kishte sigurim shëndetësore, u inspektuan ndonjëherë apo jo kushtet apo siguria në vendin e punës, në ç’rrethana vdiq punëtori, kërkoi apo nuk kërkoi llogari shteti, kërkoi apo nuk kërkoi llogari familja, u penalizua apo jo punëdhënësi, u kompensuar apo jo familja e shumë e shumë pyetje të tjera të cilat mbesin pothuaj në të shumtën e rasteve pa ndonjë përgjigje. Andaj dhe si të tilla nuk raportohen. Për më tëpër këto raste nuk trajtohen si pjesë e dukurisë dhe rrjedhimisht nuk trajtohet dukuria si tërësi problematikash.

Në mënyrë që të hapë diskutim më gjithëpërfshirës në lidhje me prapaskenat dhe rrjedhshmërinë e proceseve që lidhen me vdekjet në vend pune, Iniciativa Kosovare për Stabilitet – IKS ka inicuar këtë hulumtim lidhur me aksidentet me fatalitet në vend të punës. Studimi mëton të analizojë se çfarë ndodhë pas këtyre tragjedive në vend të punës, më saktësisht të nxjerrë më shumë detaje lidhur me këtë problematikë gjithmonë në rritje; për të kuptuar se kush janë fajtorët, si është vijuar me proceset e gjobitjes dhe gjykimit, përkatësisht, a janë kompensuar dhe si janë kompensuar  familjarët e të ndjerëve.

Për të lexuar raportin, ju lutem klikoni këtu:

📄 Vdekjet e Heshtura.

Në mënyrë që të përshkruajë shpërfilljen njëdekadëshe të partive politike kundrejt çështjeve sociale dhe grupeve të margjinalizuara në përgjithësi, IKS nxjerr këtë analizë që fokusohet si në hapësirën që partitë/koalicionet politike ua japin cështjeve sociale në programet e tyre, ashtu edhe në cilësinë e ofertave të bëra. Shteti më i ri në Europë ofron pak mbrojtje sociale për popullsinë e vet dhe nuk arrin t’i adresojë madje as nevojat themelore të grupeve të margjinalizuara. Derisa miliarda euro shpenzohen për projekte infrastrukturore, shumë pak vullnet tregohet për përmirësimin e sistemit të sigurisë sociale nga cilado prej partive kryesore të spektrit politik.

Për të lexur më shumë, klikoni: Social Policies in Political Party Programs _ ALB

Kosova është vend i vogël: Kosova është gjithashtu shteti më i ri në Europë. Mosha mesatare e popullsisë së Kosovës prej 1.7 milionë banorëve është 30, dhe vetëm 6.2% janë të moshës 65 apo mbi 65-vjeçare. Me një pjesëmarrje të vogël në elektorat të moshuarit janë shpërfillur për një kohë të gjatë. Ndryshe nga disa prej fqinjëve tanë, ne nuk kemi parti të fuqishme të pensionistëve. Por as natyra e shoqërisë kosovare nuk ndihmon shumë në këtë aspekt. Meqenëse për të moshuarit gati gjithmonë përkujdesen familjet e tyre, interesat e tyre në masë të madhe shpërfillen nga shoqëria. Ata shpërfillen nga shoqeria civile dhe nuk ka shumë vullnet nga qeveria apo nga sektori privat për të krijuar ente të posaçme të kujdesit për të moshuarit, për t’u ndihmuar atyre të cilët e kanë humbur pavarësinë, apo për të siguruar qasje në shërbime adekuate sociale të cilat sot ose nuk ekzistojnë ose nuk janë të përshtatura si duhet me natyrën e shoqërisë sonë. Ky është konteksti i këtij studimi të kushteve të jetesës të të moshuarve të Kosovës të cilët këtu definohen si persona të moshës 65 apo mbi 65-vjeçare.

^{Për të lexuar raportin, klikoni – Mos u Plaksh}  

  FAKTE 2017

Ky udhëzues u përgatit për të ofruar një pasqyrë të standardeve dhe parimeve ndërkombëtare dhe vendore mbi konsultimet publike dhe përpjekjet e avokimit gjatë proceseve të hartimit të ligjeve dhe politikave brenda Qeverisë. Qëllimi i tij kryesor është të ofrojë udhëzime për shoqërinë civile se si të angazhohen në proceset e konsultimit në Kosovë, duke ndjekur sidomos miratimin e Rregullores së Qeverisë 5/2016 mbi Standardet Minimale për Procesin e Konsultimit Publik, më 29 prill 2016 (në tekstin e mëtejmë: Rregullorja e Qeverisë Nr. 5/2016″).

Për të lexuar udhëzuesin, ju lutem klikoni këtu: Angazhimi në Konsultime Publike