Kategori: Publikimet

Ky raport është pjesë e aktiviteteve të cilat janë planifikuar për implementimin e projektit “Përkrahje Partnerëve Social” (PPS) i financuar nga Zyra e BE-së në Kosovë. Projekti kontribuon në, zhvillimin e aftësive dhe njohurive të partnerëve social, hartimin e legjislacionit-hulumtimeve ligjore dhe analizave, forcimin e kapaciteteve administrative dhe menaxhuese të partnerëve social, forcimin e kapaciteteve të partnerëve social në avokim, lobim dhe negociata si dhe në lehtësimin e reformave organizative të partnerëve social.

Raporti e përkrah  drejtpërdrejtë punën e Këshillit Ekonomik dhe Social (KES), i cili me ligj është përgjegjës për lehtësimin e dialogut trepalësh social në vend. Ky raport, që është kontribut i projektit PPS dhe ofron informacione të mbledhura në terren të cilat janë diskutuar në KES. Mbështetje aktive i është dhënë Sekretariatit të KES-it, e cila e kombinuar me digjitalizimin e materialeve të KES- it, për qëllim të përmirësimit te menaxhimit të procesit në kuadër të këtij organi.

Projekti është në harmoni me proceset duke marrë parasysh të gjitha ngjarjet e mëdha dhe programet që po ndodhin gjatë periudhës së zbatimit. Qasja e harmonizimit të të gjitha aktiviteteve të projektit, në proceset e vazhdueshme të akterëve shihet si më e përshtatshme për marrjen e rezultateve më cilësore. Disa nga aktivitetet e projektit janë të varura nga proceset dhe bashkëpunimet e akterëve të cilat nuk mund të zbatohen pa pjesëmarrjen e tyre.

Qëllimi i kësaj ankete me popullsinë e përgjithshme vlerësohet si në vijim:

• Niveli i ndërgjegjësimit publik dhe njohurive mbi politikat sociale;
• Niveli i opinionit publik, qëndrimin ndaj sistemeve të mirëqenies dhe nivelin e mbrojtjës së dëshiruar nga ana e qytetarëve;
• Qëndrim publik ndaj emigrimit të paligjshëm;
• Pritjet dhe qëndrimet e publikut të gjerë drejt politikave sociale dhe të punësimit;
• Shprehitë individuale të kursimeve dhe qëndrimet e publikut të gjerë.

Gjetjet në këtë hulumtim janë reagime të qytetarëve dhe janë të besueshme për t’u përdorur për vendimmarrje. Këto gjetje, përdoren nga anëtarët e Këshillit Ekonomik Social dhe Ministria e Punës dhe Mirëqenies Sociale. Për këtë arsye, audienca e këtij raporti, janë: përfaqësuesit e institucioneve, organizatat donatore ndërkombëtare, Kuvendi i Kosovës, partitë politike, Organizatat e Shoqërisë Civile , mediat, si dhe publiku i gjerë.

Klikoni për raportin e plotë: Standardi Social dhe Jetësor

Iniciativa Kosovare për Stabilitet ka publikuar disa fakte mbi Sistemin Pensional të Kosovës.

Klikoni për faktet: Fakte mbi Sistemi Pensional të Kosovës

Synimi i arritjes së barazisë gjinore në Kosovë ka rezultuar me angazhime konkrete në përfshirjen e objektivave të barazisë gjinore në nivelin qendror dhe atë lokal, nga ana e institucioneve qeveritare, shoqërisë civile, organizatave ndërkombëtare, aktivisteve si dhe ekspertëve. Por, me gjithë përpjekjet për ta trajtuar barazinë gjinore në çdo fushë të jetës së përditshme nga këta akterë, kjo ende nuk është një realitet në praktikë. Gratë dhe burrat në Kosovë nuk gëzojnë të drejta të barabarta, prandaj ende vazhdojnë pabarazitë shoqërore, politike, ekonomike dhe kulturore. Këto pabarazi janë rezultat i formësimeve shoqërore të bazuara në stereotipe të shumta gjinore të pranishme në familje, në jetën politike dhe publike. Në të njëjtën kohë, këto janë fusha në të cilat është e mundur të veprohet, të përvetësohen qasje të reja, dhe, përgjithësisht, të iniciohet një ndryshim më i madh.

Ky Udhëzues ka për qëllim të rrisë kapacitetet dhe aftësitë e politikëbërësve duke ofruar hapa të thjeshtë e praktikë në drejtim të përfshirjes gjinore. Ai synon që përfshirja gjinore të bëhet pjesë qendrore e programeve dhe politikave në të ardhmen.

Kliko këtu për të lexuar udhëzuesin – Përfshirja e Perspektivës Gjinore në Praktikë – Udhëzues – 

Qëllimi i këtij studimi është të vlerësoj metodologjitë dhe praktikat që përdoren në vendosjen e pagës minimale dhe treguesve që duhet të konsiderohen më qëllim të informimit të procesit dhe dialogut mes palëve të përfshira në Kosovë në përcaktimin e pagës minimale. Ky studim në asnjë mënyrë nuk synon të rekomandojë një nivel apo metodë të caktuar të vendosjes së pagës minimale, pasi kjo mund të jetë vetëm si rezultat i dialogut mes palëve. Qëllimi kryesor është të ilustrohen reflektimet thelbësore që janë për t’u konsideruar përderisa ecët drejt një vendimi mbi metodologjinë, si dhe për të nënvizuar politikën e përgjithshme dhe implikimet socio-ekonomike të çfarëdo ndryshimi politikash në kontekstin e Kosovës.

Klikoni për raportin e plotë: Studimi Mbi Pagën Minimale

Punimi  synon të paraqes sfidat si dhe dobësitë dhe lëshimet që i karakterizojnë sistemet pensionale në vendet në tranzicion. Objektivi i tij është të prezantoj një numër opsionesh të politikave për Ministrinë e Punës dhe Mirëqenies Sociale dhe Qeverisë së Kosovës në lidhje me reformimin e sistemit pensional, më qëllim  përmirësimin e shërbimeve dhe kapaciteteve të  përkujdesjes për nevojat e të moshuarve.

Klikoni për raportin e plotë: Mos Riparo atë që Funksionon

 

Në prill/maj 2016, Ministria e Punës dhe Mirëqenies Sociale ka marrë iniciativë për të amandamentuar ligjin LAW Nr. 04/L-131 për Skemat Pensionale të Financuara nga Shteti. Hartimi i koncept-dokumentit kërkon të dëshmoj nevojën për ndryshime politike dhe analiza të opsioneve për të adresuar objektivat e diskutueshëm dhe që nuk janë trajtuar në mënyrën e duhur nga palët e përfshira. Ky punim analizon ndryshimet dhe jep rekomandime.

Klikoni për raportin e plotë: Mos Riparo atë që Funksionon II

Korrupsioni besohet të jetë një nga instrumentet kryesore të përvetësuara nga grupet e organizuara të krimit për të shmangur zbulimin dhe penguar përpjekjet kundër trafikimit. Megjithëse përdorimi i korrupsionit është përmendur shpesh në ndërlidhje me trafikimin njerëzor, pak studime kanë hulumtuar në mënyrë empirike faktorët dhe mekanizmat prapa kësaj ndërlidhje. Këto katër raporte ofrojnë një këndvështrim të ri të kësaj fushe pak të hulumtuar, të mbështetura në studimet e kryera në Bullgari, Kroaci dhe Kosovë.

Për të lexuar raportin, klikoni këtu – Four case study reports on corruption and organised crime

Ky raport përmbledh të gjeturat e hulumtimit dhe trendët kryesore të trafikimit të njerëzve, si dhe mundësinë e lidhshmërisë së tij me korrupsionin në Kosovë. Hulumtimi ka dy qëllime kryesore: të shqyrtoj  lidhjet mes korrupiosnit dhe trafikimit të grave, si dhe të identifikoj pasojat dhe ndikimin e korrupsionit te viktimave të trafikimit. Për qëllim të këtij studimi, janë analizuar materialet dhe janë zhvilluar intervista ballë për ballë me informacione kyçe.

Të dhënat zyrtare dhe informatat e ofruara nga të anketuarit dëshmojnë për një tendencë në rënie të trafikimit brenda Kosovës. Pa dyshim, trafikimi i qenieve njerëzore mbetet një problem pavarësisht përpjekjeve të qeverisë për të adresuar çështje.  Shumica e rasteve të trafikimit kanë qenë të lidhura me shfrytëzimin seksual, në këtë aspekt vëmendja më e madhe e qeverisë ka qenë e përqendruar në identifikimin e formave tjera të trakfikimit, veçanërisht ato të lidhura me punën e fëmijëve në rrugë.

Duke u mbështetur në të gjeturat, ky raport ofron një numër rekomandimesh për të fuqizuar dhe zbatuar masat kundër trafikimit, përfshirë këtu; fuqizim të thuktë të legjislacionit, veçanërisht dispozitave kundër trafikimit të Kodit Penal, zhvillimin e kapaciteteve të institucioneve relevante që trajtojnë rastet e trafikimit; Ofrimin e shërbimeve psiko-sociale dhe strehim në qendrat rajonale për mbështetjen e viktimave të trafikimit dhe dhunës familjare.

Për të lexuar raportin, klikoni këtu – Corruption and trafficking in women. The case of Kosovo.

Korrupsioni besohet të jetë një nga instrumentet kryesore të përvetësuara nga grupet e organizuara të krimit për të shmangur zbulimin dhe penguar përpjekjet kundër trafikimit. Megjithëse përdorimi i korrupsionit është përmendur shpesh në ndërlidhje me trafikimin njerëzor, pak studime kanë hulumtuar në mënyrë empirike faktorët dhe mekanizmat prapa kësaj ndërlidhje. Këto katër raporte ofrojnë një këndvështrim të ri të kësaj fushe pak të hulumtuar, të mbështetura në studimet e kryera në Bullgari, Kroaci dhe Kosovë, si pjesë e projektit ANTICORRP financuar nga programi FP7 i Komisionit Evropian. Studimi hulumton aspektet kyçe të ndërlidhura mes trafikimit të qenieve njerëzore dhe korrupsionit, me theks të veçantë rolin që ka korrupsioni në shmangien e ndjekjes penale, për të penguar hetimet dhe trajtimet gjyqësore, – nëse këto përpjekje dështojnë, të paktën të minimizohen dënimet. Gjetjet e hulumtimit hedhin dritë mbi aspektet kyçe përcjellëse mes korrupsionit dhe trafikut. 1) kanalit më të spikatur të korrupsionit dhe aktorëve të përfshirë në mbrojtjen e krimit të organizuar nga ndjekja penale; 2) korrupsionin e grupeve kriminale; 3) faktorët kryesorë që lehtësojnë shfaqjen e skemave të korrupsionit (legjislativ, faktorët ekonomiko-social, lidhja mes kriminelëve dhe menaxherëve të kompanive legale, trashëgimtarëve të pasurive të fituara nga krimi, etj.). Po ashtu adresohen dhe ofrohen rekomandime për trajtimin e problemit që ka ndikimi i korrupsionit dhe trafikimit ndaj viktimave. Metodologjia e hulumtimit përmban analizë e raporteve të mediave, rasteve gjyqësore dhe janë zhvilluar intervista gjysmë të strukturuara me punonjës të OJQ-ve që janë marrë me këtë fushë, zyrtar për zbatim të ligjit dhe prokurorë.

Për të lexuar raportin, klikoni këtu – Analytical report of interview findings: Corruption and trafficking in women

Hartimi i politikave por edhe njohja e pamjaftueshme e rëndësisë së saj janë një sfidë edhe për shtetet me traditë të gjatë demokratike. Urgjencat dhe sfidat ad-hoc me të cilat ballafaqohen qeveritë, bëjnë që ministritë shpesh të hartojnë legjislacionin pa analiza të mjaftueshme. Duke marrë parasysh që në Kosovë, ashtu si dhe në të gjitha demokracitë parlamentare evropiane, pjesa më e madhe e ligjeve të miratuara buron nga Qeveria, ky Udhëzues fokusohet vetëm në punën përgatitore për projektligjet që përgatiten dhe i paraqiten Kuvendit nga Qeveria.

Qëllimi i Udhëzuesit është të mundësojë, që ekspertët dhe zyrtarët e përfshirë në procesin e përpilimit  të politikave dhe hartimit të legjislacionit, të njohin sa më mirë rregullat dhe procedurat e hartimit të legjislacionit dhe politikav në fuqi, si dhe të udhëzojë e të ndihmojë zyrtarët tanë gjatë procesit të hartimit, diskutimit dhe miratimit të legjislacionit.

Ky udhëzues është përgatitur duke u bazuar në aktet ligjore dhe nënligjore themelore, të cilat janë në fuqi, si dhe në udhëzues dhe doracakë të ndryshëm të ndërlidhur me këtë proces.

Ne shpresojmë se udhëzuesi, i përpiluar me financimin e Qeverisë Britaneze dhe në bashkëpunim të ngushtë me Zyrën e Kryeministrit, gjatë periudhes 2013-2014, do të kontribojë në përmirësimin dhe ruajtjen e cilësisë së lartë të legjislacionit në Republikën e Kosovës, sidomos në kuadër të detyrimeve që vendi ka në procesin e para-aderimit në Bashkimin Evropian (BE).

Klikoni për raportin e plotë: Udhëzuesi për Procesin e Hartimit të Politikave dhe Legjislacionit në Qeverinë e Republikës së Kosovës